مراية الما..
نحاسبك يانفسي علاش مابغاش توبي
نحاسبك قبل مايجي اليوم المعلوم
نحاسبك يانفسي على دنوبي
علاش غريتني وكتر عليا اللوم
شفت راسي ف مراية الما بانو عيوبي
غير ضايعة ف طريقي نمشي فيها نهوم
بغيت نهرب معرفتش كفاش هروبي
من نفسي اللي سمعتني كلام مسموم
شفت راسي ف مراية الما زاد عجوبي
يالغافلة الزمان العب بك والدنيا مادوم
نحاسبك علاش طمعتي فيا محبوبي
ابيع ويشري وهو مايعرف السوم
ف جبيني كتاب مفتوح نقرا مكتوبي
ورقة...ورقة مانخطى قرايتو كل يوم
نحاسبك يانفسي ونقطع ف جيوبي
طيحتني ف الذلة وانا كنت كيف المشموم
ونزيد نحاسبك طولتي ف غيوبي
نرجع لصوابي رابح ماشي مهزوم
والله خلق وفرق الارزاق هو محسوبي
والرزق من عندو نزل مقسوم
حسناءالعجوري
ليست هناك تعليقات:
إرسال تعليق