مجدوب ...وكلامي
خارج من القلب
سمع نوصيك ياولدي
علف عودك لبغيتي تركب
تخير المشرى
لبغيتي تكسب
ولبغيتي تتزوج
شوف الاصل على ماتنسب
سمع نوصيك اولدي
جرب بنادم قبل ماتصحب
عاشر ناس كلمة وحكمة
وحضي لسانك لتكذب
ولبغيتي تصدق
صدقة عليك وعليا
حفر بير
وخلي ناس منو
تورد وتشرب
كون متواضع
وخلي رجليك فالارض
لاتتكبر وتشوف الفوق
راه قد ماطال زمان
غادي ينزل كل من ركب
كلمة الحق كولها
منها لاتتهرب
ودير فبالك
عمر نار متشعل
لمكان لحطب
ولبغتي تزيد شي خطوة
ضرب ليها الف حساب
وبلا متزرب
.......خالد حدادي.........
ليست هناك تعليقات:
إرسال تعليق